Un encontro cargado de tensión, no que seguramente fomos inferiores nos primeiros dez minutos, igualamos forzas nos dez seguintes, e impuxémonos nos vinte restantes.
Eles entraron mellor ó partido, mais vivos, e cun plantexamento ambicioso que incluso semellou sorprendernos.
A pesar de contar cun zapatazo de Jose ó pau, era evidente que ainda non atopáramos o ritmo, e serían os locais quenes se adiantarían no marcador.
Conseguiríamos igualar cedo, por medio de Pablo, pero de inmediato, xa nos caería o segundo.
Co paso dos minutos, e a notable melloría na nosa presión, a contenda iría equilibrándose.
Logo de perder a Jony por lesión, e de outro tiro ó poste de Luis, outra vez Pablo, establecía as taboas no marcador, nunha acción de carácter e convicción.
Tralo paso polos vestiarios, o escenario mudaría por completo, converténdose o cuadro vermello en dono e señor do espectáculo.
Pasamos a vivir en campo contrario, afogando ó rival, que xa non trenzaba igual, e prácticamente so recurría a balóns en longo.
Creamos un feixe delas, ante un Castro providencial, que mostraba uns enormes reflexos que nos chegaron a desesperar.
Cando por fin derrubamos o muro, case a xogada seguinte, erro defensivo, e trallazo exterior que nos obrigaba a comezar de novo.
Non se renderon os vermellos, pero unha e outra vez, o meta local, erixíase en protagonista.
Abocados a este final, un dos colexiados decidíu que non, que el tamén quería formar parte da festa, e enmarañouse en tres decisións a cada cal mais ridícula.
Primeiro, transformou un simple leve forcexeo en dobre-penalti a favor dos da casa, co conseguinte 4-3.
Ante tal absurdez, o seguinte disparo a porta de Luis, rematou en penalti por unha suposta man (había que compensar), 4-4.
Na derradeira acción, sinalaría un dobre-penalti por unha falta a Kuka cando menos dubidosa. Un show lamentable, e totalmente innecesario.
Non aprobeitaríamos o lanzamento, e con el, fuxiía a posibilidade de seguir metendo presión.
SPORT SALA CULLEREDO: Castro - Fernando(1) - Iago - Oscar(1) e Miguel(2); I. Socastro, Jorge, Brais, Iván e Alejandro.
S.D. PAZOS Fútbol Sala: Bizza - Jose - Pablo(2) - Alexis e Luis(1); Kuka, Marcos F., Eloy(1), Jony, Vidal, Guille e Breixo.
GOLES:
- 1-0 (min.3)Pase diagonal que remata Miguel de primeiras.
- 1-1 (min.4) Pase de Luis en profundidade a Pablo, que bate ó porteiro coa punteira.
- 2-1 (min.4) Disparo de Miguel dende a lateral que non atina a deter Bizza.
- 2-2 (min.19) Pablo vaise por banda en velocidade, e define ante a saida do porteiro, cando semellaba imposible que lle dese tempo.
- 2-3 (min.25) Estratexia de corner, asiste Marcos F., materializa Luis.
- 3-3 (min.26) Descomunal chut exterior cruzado de Fernando, que entra tras dar no pau.
- 4-3 (min.38) Dobre-penalti que executa Oscar ante Kuka, que chega a tocar.
- 4-4 (min.39) Penalti que transforma Eloy con seguridade.
No hay comentarios:
Publicar un comentario